Sunday, January 22, 2006

استعدادات الداخلية

كنت قد تمنيت عند مالك ان يجد البعض الفرصة لتنظيم عمليات اعتراض اثناء دورة الامم الافريقية لما كانت ستحظى به من تغطية اعلامية كبيرة، ثم رأيت في احدى نشرات الاخبار العادلي وهو يجتمع بقيادات وزارته لتنظيم الدورة وقالوا في التشرة (انه تم منع دخول الجمهور حاملين لأي شئ قد يخل بالأمن) لم يسموا هذه "الأشياء" ولكنني لم ارتاح كثيرا لتصريح غير معتاد، ولكن يبدو ان العادلي كان يستعد لمن تساوره نفسه تاييد الفريق المصري دون توجيهات السيد الرئيس، ثبتت الرؤيا عندما قرأت الخبر التالي من مدونة واحدة مصرية عن موقع الغد:
    العادلى يفتتح بطوله الأمم الأفريقيه بسحل أعضاء حزب الغد و ضربهم أمام أستاد القاهره
    التعرض بالضرب والاعتقال لأعضاء الغد أمام استاد القاهرة من قبل قوات الأمن المركزي
    حيث قام حوالي مئة شخص من أعضاء حزب الغد بالتوجه إلى إستاد القاهرة اليوم الجمعة الموافق 20/1/2005 حاملين لافتة كبيرة مكتوب عليها "الغد ونور يتمنيا النصر لمصر" و أثناء تواجدهم اعتدت عليهم قوات الأمن المركزي بالضرب والسب مما أدى إلى إصابة عضوة بحزب الغد بكسر في إحدى يديها و تم اعتقال حسام شحاتة وحازم مليجي و بلال محمد وتم التعدي عليهم بالضرب و إركابهم في ميكروباص يحمل لوحة معدنية رقم 151832 أجره القاهرة ، ثم تركوا كل منهم على حدة في مكان صحراوي عند أطراف المدينة ومن الجدير بالذكر أن حسام شحاتة -ضابط سابق بالقوات المسلحة - لديه إعاقة عبارة عن بتر في ساقه اليسرى ولم يشفع له ذلك عند ضباط الأمن المركزي.
    و قامت الشرطة أيضا بتقطيع اللافتات و الأعلام المصرية التي كان يحملها أعضاء الحزب و أستغل الضباط عدم وجود إعلام أو كاميرات .
    ومن الغريب أنه شوهدت لافتات من الحزب الوطني تحمل عبارات سياسية ليس لها علاقة بالرياضة و لم يتم اعتراضها من قبل قوات الأمن . أو منعها كما حدث مع أعضاء الغد

    8 Comments:

    At 23 January, 2006 02:13, Blogger محمد توفيق said...

    طبعا اللي حصل ده شيء مؤسف وبيدل على استمرار غباء النظام بامتياز ...!

    ربنا يستر على مظاهرة كفاية في معرض الكتاب يوم الجمعة الجاية 27-1

     
    At 23 January, 2006 04:09, Anonymous Anonymous said...

    والله شئ مؤسف جداوصدقنى لكل ظالم نهاية

     
    At 23 January, 2006 20:12, Blogger Alexandra said...

    ومن الغريب أنه شوهدت لافتات من الحزب الوطني تحمل عبارات سياسية ليس لها علاقة بالرياضة و لم يتم اعتراضها من قبل قوات الأمن

    ده المعتاد يا درش مش الغريب وانت أكيد سمعت عن المعيدة الي رفض تعينها لأنها تنتمي لحزب سياسي علني معارض

     
    At 24 January, 2006 21:05, Blogger Darsh-Safsata said...


    انا طبعا ما استغربتش
    دول الكاتبين الخبر هم الاستغربوا مش عارف ليه
    :)
    المعيدة ما سمعتش عنها، لكن ده موضوع معتاد من زمان
    كنت اعرف واحد الامن عطل تعيينه في الجامعة لمدة سنة لانه محسوب علبى تيار معارض (الاخوان)
    النهاردة بقى واحد من اهم شخصيات لجنة السياسات :) فلما نشوف المعيدة دي هتكمل ازاي

     
    At 26 January, 2006 17:25, Blogger From East to West said...

    العادلى يفتتح بطوله الأمم الأفريقيه... و بالمرة يفتح دماغ اعضاء حزب الغد
    :)

     
    At 28 January, 2006 22:25, Blogger Joly said...

    حتى دورة الأمم الأفريقية بدل ما تبقى فرصة علشان نبين تحضرنا ، كانت وسيلة علشان نأكد تخلفنا أكتر و أكتر .. الغريب إن اللي بيهمهم في الموضوع إن ما فيش إعلام يصور اللي بيعملوه في الناس .. إنما الانسانية و قيمتها ماعدتش مهمة

     
    At 29 January, 2006 16:49, Blogger شاطىء أخر said...

    انا مش قادرة افهم انتوا لية معندكمش تفاهم و حب زى الشرطة المصرية العظيمة

    و قامت الشرطة أيضا بتقطيع اللافتات و الأعلام المصرية

    ده يا شباب حصل نتيجة ان الاعلام دى متفيرسة فيها ميكروب يعنى و بما ان الشرطة فى خدمة الشعب كانت لازم تحمى البلد من الاعلام واللافتات دى زى ما حمتنا من انفلونزا الطيور اللى عمرها متقدر تهوب نحية مصر
    مصر عارفين يعنى اية مصراخص عليكوا بتدفعوا عن اعضاء حزب الغد التامرين و بتهجموا الملايكة اللى مورهمش شىء غير السهر على رحتنا
    بجد بجد انا زعلانة و مخصماكوا كمان
    ;-)

     
    At 08 February, 2006 01:24, Anonymous ألِف said...

    دي حاجة بسيطة كدة؛ وزير الداخلية اللي بعد الجاي اسمه ا ل ع ز ب ي

     

    Post a Comment

    Links to this post:

    Create a Link

    << Home