مارشات عسكرية وقرآن
أستأذنكم في تأجيل باقي تحليل انتخابات مجلس الشعب، لنشر خبر صغير أذيع اليوم، والذي قد يعطينا بعض الأفكار عما قد يحدث
"أصدر الرئيس الإيراني محمود أحمدي نجاد مرسوما خاصا موجها إلى وسائل الإعلام المرئية والمسموعة يقضي بمنع بث الموسيقى والأغاني الغربية والاستعاضة عنها بالأغاني الوطنية. وطالب القرار أجهزة التلفزيون والراديو في إيران استخدام الموسيقى الكلاسيكية والوطنية الإيرانية بدلا من الموسيقى ذات الطابع الغربي."
لا تعليق
posted by Darsh-Safsata @ 12/19/2005 08:46:00 pm
15 comments
15 Comments:
حلو قوى العنوان
مارشات عسكرية و قران
يالا هانت
This comment has been removed by a blog administrator.
حاجة تكأب زي الأنتخابات بالظبط.أنا كل شوي بخاف أكتر انحنا نوصل ليوم نسمع فيه المزيكا في السر ونقرا الكتب في السر زي في الفيلم بتاع تروفو الي أنا نسيت أسمه
بالعكس أنا شايف أن دي حاجة ايجابية جدا
الراجل ده لما انتخب انتخب عشان الناس كانت فاكرة أنه هيحقق تغييرات اقتصادية جذرية و يساعد الفقراء و كمان تصوروا أن انتخاب حد مرضي عليه من خامئني هيخليه له سلطة حقيقية، دعايته الانتخابية كانت بتتجاهل تماما المواضيع بتاعت المزيكا و اللبس و قال بنفسه أن دي أمور مش مهمة.
التجربة الحقيقية دلوقتي بتثبت أولا أنه فاضي للهيافة و أن قبول خامئني ليه يتوقف عند موازين الثروة و القوة لدرجة أن خامئني بيقوى وجوه الفساد المكروهة و المرفوضة شعبيا عليه.
يبقى كده الشعب الايراني (اللي هو شعب واعي و ديناميكي جدا) هيكتشف فشل المشروع ده و يحط الكلام ده في الاعتبار الانتخابات الجاية.
طبعا سهل على واحد من بره أنه يقول دي حاجة ايجابية و يقعد يحلل و يتفلسف لكن اللي في البلد و بيتكوي بالكلام ده أكيد له نظرة مختلفة، يا مين يعلمنا فارسي عشان نقدر نقرأ فوق المئة ألف مدونة ايرانية نشطة.
Ya salam ya Darsh
dy ma3louma haylla gedann....
homma kannno beysam3o mouseika fee iran abl kedda!!!! begad ??
ASL anna wa7ed sa7by zar masna3 wa7ed ezaher kedda enno men el ekhwan
kan maktoub feih lowa7 ershadeyya bet2oul
"SAMA3 el ma3azef wal mouseika 7araaaaaaaaaaaaaaam shar3an"
law kedda da7na hansouf eyam 3'am2aa
a3'ma2 men IRAN
أثناء كأس العالم 1998 الذي اشتركت فيه إيران، كان التليفزيون الإيراني يسجل المباريات ثم يقوم بحذف صور المتفرجين في المدرجات و استبدالهم بصور من يلبسون ملابس شرعية
واضح أن العقليات لم تتغير كثيراً
موافق تماماً على تحليل علاء، و السؤال الأهم: هل ينجح المصريون في تمييز خطأهم إذا ما تولى الأخوان الحكم؟
مستر بيبو:
يا ريت تهون :)
الكسندرا:
مهم نفكر في بكرة، بس برضه مهم اننا النهاردة نغني طالما (لسة الأغاني ممكنة) بدل ما ما نغني "بكرة النكد" :))
فادي:
منور وحمدلله على السلامة، ما تبقاش تغيب كتير كدة
موضوع حرام شرعا ده من الفكر الوهابي، وهو يتختلف عن شيعة ايران
ما تقولش انك ما تعرفش الفرق لان الجدل الفقهي هيبقى هو المعيار الوحيد للنقاش، والا مش هيتسمع بتقول ايه، ومش مهم انت دينك ايه :)
علاء وافريكانو:
اتفق انا ايضا ان فشل المشاريع القائمة على شعارات هو نتيجة منطقية
ولكن ادراك الشعوب لهذا الفشل موضوع أخر اعتقد انه يحتاج الى وقت اطول بكثير، لا تنسى ان الشعوب التي تختار الشعارات الجوفاء، هي ايضا التي تنساق وراء الجعجعة الفاضية
واخد بالك ان نجادي الايام دي مهتم قوي بموضوع اسرائيل !!
وحتى الامريكان انتخبوا بوش لمرة تانية ومن ضمن الاسباب انهم في ظروف حرب ولازم كلهم يبقوا ايد واحدة، ومافكروش كتير هو احنا بنحارب ليه
اما عن الانتخابات الايرانية الجاية فبالاضافة الى انتظار وقت ان يفهموا فشل المشروع القائم، ما تنساش ان الديمقراطية الايرانية ما هياش ديمقراطية منحلة زي الغرب، دي ديمقراطية موجهة بتخللي الشيوخ يوافقوا اصلا مين يترشح ومين ما يترشحش
ياترى لسه متفائلين زي ما انتم:)
طب ليه مانبصلهاش غلى ان الراجل عايز يقاوم موجة التغريب و الأمركة اللى مكتسحة العالم , و خصوصا ان الموسيقى الأمريكانى و الطغام السريع من وسائل اضعاف الهوية و طمسها , لاحظ ان البيان بيقول " الموسيقى الأجنبية" مش الموسيقى و خلاص , ممكن يتبص للموضوع من زاوية تانية , خصوصا الراجل لما كان عمدة ايران شال صورة بيكهام من اعلان بيبسى لنفس السبب أعتقد
لان مقاومة التغريب تكون بتقوية الهوية الوطنية
وليس بقرارات المنع الادارية
ان ما يقوم به نجادي الان هو قريب مما قام به خوميني حين تولى السلطة فمنع الموسيقى الغربية وافتى بحرمانيتها وبعد قليل تساهل مع الموسيقى الكلاسيكية
وبعد وفاته بدأت الامور في الانفتاح قليلا فعاد الشعب الى الموسيقى الغربية
ليس لجمالها ولكن لانها كانت ممنوعة ومن اثار ذلك ان ضعفت الموسيقى المحلية ولم تتطور بالاضافة الى ان الناس اصبحت منجذبة الى هذا الجديد الذي كانت ممنوعة منه
يا خبر :((
سمعت الخبر و سمعت برضة تعليق بعض الناس عليه فى ايران
:)
بس انا نفسى اعرف ليه مقاومة التغريب بتكون بمقاطعة الموسيقى الغربيه و اكياس الشيبسى و ماكدونالدز و البيبسى؟ ماذا عن المنتجات الثقافية و الطبيه؟
بعض الامريكان انتخبوا بوش لمرة تانية عشان ظروف الحرب... لكن الاغلبية -للاسف- انتخبته عشان انه ضدد الاجهاض و
stem cell research
from east to west:
عود حميد للتدوين، افتقدناكي مدة طويلة :)
اتفق معك ان الكثير ممن يدعون الى محاربة التغريب والغزو الثقافي وما شابه، يتحدثون عن المأكولات السريعة والأفلام والموسيقى والعادات ولا يذكرون الكمبيوتر والانترنت والتكنولوجيا النووية وادوات الاتصال والمواصلات الخ ...
ولم أسمعهم يبررون مواقفهم، ولا ما يظهر أنهم يدركون العلاقات بين هذه الأشياء
موقفي الشخصي هو أنني أؤمن بالتراث الانساني وبحضارة انسانية واحدة ليس لها جنسية أو أي شئ أخر
ولكنني في ذات الوقت أؤمن أن الاسرة البشرية تقوم على التنوع وأنه من المهم الحفاظ على الثقافات المختلفة التي تثري الكيان الانساني الواحد والحضارة الواحدة
فالتنوع هو دائما عامل قوة وليس ضعف
لذا فانني أؤمن أن الثقافات المختلفة يجب عليها أن تتطور باستمرار لتشارك في الحضارة الانسانية
وليس من الطبيعي ان تأخذ الحضارة البشرية شكلا واحدا عبر العالم
ولكن الحفاظ على الثقافات المختلفة يقوم على تقوية تلك الثقافات وموائمتها للعصر وتطور الفكر البشري وليس عن طريق محاربة الثقافات الأخرى مهما بلغت قوتها أو ضعفها
شكراً على الترحيب, الغياب كان بسبب الامتحانات, و لكنى اتابع مدونتك دائماً لمعرفة الكثير من اخبار مصر التى لا تُكتب فى الجرائد و تعجبت حين عرفت انك مقيم خارج مصر
:-)
انا ايضاً أؤمن بالتراث الانساني و بحضارة انسانية واحدة ليس لها جنسية, كما اؤمن ان الحفاظ على الثقافات المختلفة مهم ..طالما لا يتعارض مع حرية الفرد و لا ينتهك حقوق الانسان باى صورة من الصور... و لكن تلك الحفاظ يختلف كثيرين فى تعريفه و فهمه و اختيار الوسائل المستخدمة فيه-مثلما حدث فى افغانستان على سبيل المثال
مش عارفة ليه كلهم بيقعوا في نفس الخطأ دون أن يتعلموا من أخطاء الماضي .. مافعله نجاد حيخلي الايرانيين يتعلقوا أكتر بالموسيقى الغربية لإن الممنوع مرغوب .. و كمان طالما المبدأ اتفتح ففمكن تلاقي بعد شوية بقية أنواع الموسيقى حرام مش الغربية و بس .. لو كان حاول يطور من الموسيقى الكلاسيكية و الوطنية كان يمكن الناس انجذبوا ليها لوحدهم .. لو حاول يرفع من مستوى الناس الفكري كانوا أكيد حيميزوا بين الموسيقى الغربية و تراثهم ..
رئيس جاهل ومدعى
Post a Comment
<< Home