في يه ؟
يبدو أنني قد اصابني شئ ففقدت القدرة على فهم الأخبار!ا
خبر منشور يقول أن وزارة الدفاع أرسلت لعبود الزمر تخبره بقرار الوزير طنطاوي باعادته إلى إدارة سلاح المشاة !!!!!!!ا
أنا ما بقتش فاهم أي حاجة، لو حد فاهم يا ريت يفهمني
رابط الخبر هنا
posted by Darsh-Safsata @ 7/30/2005 12:05:00 pm
8 comments
8 Comments:
انا برضه مش فهمة حاجه إلا انه خطاب كوميدى
يشرف إدارة المشاة عودة انضمامكم لأسرة هذا السلاح العريق حيث أنكم من الرعيل الأول لهذا السلاح وبذلتم الكثير من العرق والجهد لصالح قواتنا المسلحة الباسلة وسلاحنا العريق " ، ومن جانبه توجه المقدم عبود الزمر المعتقل حاليا في ليمان طره ، بعد قضائه مدة حكم بالمؤبد على خلفية أحداث سبتمبر 1981
...........
جدير بالذكر أن أسرة المقدم عبود الزمر كانت قد توجهت بنداءات متكررة للرئيس مبارك بوصفه القائد الأعلى للقوات المسلحة ، من أجل اتخاذ القرار بمنح عبود الزمر أحد أبطال أكتوبر وحرب الاستنزاف حريته بعد قضائه حكما بالمؤبد ودخل الآن في شيخوخة مثقلة بالعديد من الأمراض التي استدعت نقله مرارا إلى مستشفى القصر العيني بعد أن أشرف على الموت في زنزانته ، وترفض وزارة الداخلية الإفراج عنه وتريد أن يستمر سجنه لمدة أربعين عاما كاملة ، وهو الأمر الذي اعتبره كثير من المحللين تعنتا أمنيا لا يليق
ثم الخُلاصة.......
عاشت قواتنا المسلحة قوية وقادرة على حماية أمن مصر تحت قيادة السيد المشير / حسين طنطاوي القائد العام للقوات المسلحة وزير الدفاع والإنتاج الحربي وعاشت مصر حرة وآمنة تحت القيادة الرشيدة لقائدها وباعث نهضتها الحديثة السيد الرئيس / محمد حسني مبارك رئيس الجمهورية القائد الأعلى للقوات المسلحة
و الحدق يفهم.....
انا بصفتى مش فاهم أى حاجة أطالب عبود الزمر أن يستغل الفرصة مرة تانية والحدق يفهم
طيّب أنا حدق وبرضه مش فاهم.
يعني الراجل ردوا اعتباره، ماشي!
هو بطل أنهي أكتوبر بالضبط؟
هيهيهيهي
الخيبة التقيلة يا باشا! ، سمو عبود افندي الزمر كعب الغزال اطال الله بقاؤه بالصلا على النبي يرشح نفسه للرئاسة.
يعني موش هايعدي نفسه في فيلتر عشان يترشح ، لا دا هايقوا انا انفع ابقى رئيس ادوني اصواتكوا ، انا قتلت الريس اللي فات ، و من ساعتها انا مرمي في السجن و بالمناسبة دي لما امسك الحكم انا هاطلع كل االي في السجون بره و الدخل كل اللي برة السجون جوة!!، احلى حاجة الاهرام ناشراله صورة والله موش عارف جايبنها من فين!! باين من ابحث مع الخط، و بمناسبة الصور ، الافندية المرشحين للرئاسة ربنا يكرمهم و من سهر العلا نام في الليالي ، مييييييييييين دووووووووووووووول؟
اموت و افهم على رأي سناء البيسي ، جايين من فييييييييييييين دول؟
و اخرتها يطلعلي عبود باشا الزمر ، فاكر نفسه مانديلا
يظهر إن النظام بيشتري ود الإسلاميين كالعادة ربنا يستر
ولا أنا فاهم حاجة
يعني جت على دي إللي مش فاهمينها!!
كل حاجة في النظام ده بقت عشوائية و عبثية
عزيزي درش..واضح جداً ان مش انت بس اللي مصاب بمتلازمة عدم القدرة على فهم الأخبار
ولا حد فينا فاهم حاجة .. الخبر ده مش مجرد خبر غريب .. ده بيطرح تساؤلات كتير جداً اهمهم بالنسبة لي سؤالين حيخلوني أتجن
ليه؟
و اشمعنى دلوقت تحديداً؟
Post a Comment
<< Home